College life

Got this as a fwd but i guess it touched a chord sumwhere deep inside .


Raah dekhi thi iss din ki kabse,
Aage ke sapne saja rakhe thhe naajane kab se,
Bade utavle thhe yahaan se jaane ko,
Zindagi ka agla padaav paane ko.

Par naa jane kyu ..dil meh aaj kuch aur aata hai,
Waqt ko rokne ka jee chahta hai,
Jin baton ko lekar rote thhe,
Aaj unn par hansi aati hai,
Na jaane kyu aaj un palon ki yaad bahut aati hai.

Kaha karta tha ..badi mushkil se teen saal seh gaya
Par aaj kyu lagta hai ki kuch peeche reh gaya
Kahi ankahi hazaaron batein reh gayi
Na bhoolne wali kuch yaadein reh gayi

Meri taang ab kaun kheencha karega
Sirf mera sir khane kaun mera peecha karega
Jahaan 2000 ka hisaab nahin wahaan 2 rupay ke liye kaun ladega
Kaun raat bhar saath jag kar padega

Kaun meri gaadi mujse pooche bina lejayega
Kaun mere naye naye naam banayega
Mein ab bina matlab kis se ladoonga
Bina topic ke kisse faalto baat karoonga

Kaun fail hone par dilasa dilayega
Kaun galti se number aane par gaaliyaan sunayega
Aise dost kahaan milenge
Jo khai meh bhi dhakka de aayein
Par fir tumhein bachane khud bhi kood jayein

Mere gaano se pareshaan kaun hoga
Kabhi muje kisi ladki se baat karte dekh hairaan kaun hoga
Kaun kahega saale tere joke pe hansi nahin aai
Kaun peeche se bula ke kahega..aage dekh bhai

Movies meh kiske saath dekhhonga
Kis ke saath boring lectures jheloonga
Mere farzee certificates ko raddi kehne ki himmat kaun karega
Bina dare sachi rai dene ki himmat kaun karega

Stage par ab kis ke saath jaoonga
Juniors ko faltoo ke lectures kaise sunaonga
Achanak bin matlab ke kisi ko bhi dekh kar paglon ki tarah hansna
Na jaane ye fir kab hoga

Keh do doston ye dobaara sab hoga
Doston ke liye professor se kab lad payenge
Kya hum ye fir kar payenge
Raat ko 2 baje poha khane kaun jayega
Tez gaadi chalane ki shart kaun lagayega

Kaun muje mere kabiliyat par bharosa dilayega
Aur jyada hawa meh udne par zameen pe layega
Meri khushi meh sach meh khush kaun hoga
Mere gam meh muj se jyada dukhi kaun hoga

Meri ye kavita kaun padega
Kaun ise sach meh samjega
Bahut kuch likhna abhi baaki hai
Kuch saath shayad baaki hai

Bas ek baat se dar lagta hai doston
Hum anjnabi na ban jayein doston
Zindagi ke rangon meh dosti kar rang feeka na pad jaye
Kahin aisa na ho doosre rishton ki bheed meh dosti dum tod jayye

Zindagi meh milne ki fariyaad karte rehna
Agar na mil sakein to kam se kam yaad karte rehna
Chahe jitna hanslo aaj mujh par
Mein bura nahi manooga
Is hansi ko apne dil meh basa loonga
Aur jab yaad aayegi tumhari
Yahi hansi lekar thoda muskura loonga